ஆதி ஓவியன்

“[when standing before the mouth of the cave, ] suddenly two things arose in me.. fear of the menacing darkness.. [and] desire to see if there was any marvelous thing within” – Leonardo Da Vinci (in his notebooks).

“None of us could paint like that” – Pablo Picasso (after visiting Altamira cave paintings)

Altamira Bison

© Ranjit, Water colour on Paper

 

மேலுள்ள ஓவியம், புத்தகத்திலிருந்து பார்த்து வரையப்பட்டது. இதன் அசல், ஸ்பெயின் தேசத்து அல்டாமிரா குகையிலுள்ளது. ஒரு முறையேனும், நேரில் பார்த்து விட வேண்டும் என்பது என் ஆசை.

ஏறக்குறைய 15,000 வருடப் பழமையான, வரலாற்றுக்கு முந்தைய காலத்தைச் சேர்ந்த இந்த ஓவியம் மிகத் தனித்துவமானது. வரலாற்றுப் புத்தகங்களிலும், தொல்பொருள் ஆராய்ச்சிக் கட்டுரைகளிலும் இதுவரை நாம் பார்த்துவந்துள்ள கோடுகளாலான, தட்டையான உருவங்களையே ஆதி ஓவிய பாணி என எண்ணியிருப்போம். அல்டாமிரா ஓவியத் தொகுப்பில் உள்ள ஓவியங்கள் இதற்கு விதிவிலக்கானவை. ஓவிய நுட்பத்தையும், சிற்பத்தின் முப்பரிமாண அம்சத்தையும் ஒருங்கே கொண்டுள்ள ஓவியங்கள் இவை. மகாபலிபுரத்து புடைப்புச் சிற்பத் தொகுப்பில் உள்ள யானையின் மீது கருப்பு வண்ணம் தீட்டினால் எப்படி இருக்குமோ அந்த மாதிரியான ஒவியஙள்தான் இந்த அல்டாமிராவில் உள்ளவை. ஒரே வித்தியாசம் – மகாபலிபுரத்து புடைப்பு உருவங்கள் சிற்பியால் உருவாக்கப்பட்டவை. அல்டாமிராவில் உள்ளவை இயற்கையான பாறை அமைப்புகள்(Natural reliefs). இந்த இயற்கையான பாறை அமைப்புகளில் எந்த உருவங்களை எந்த மாதிரியாக வரைந்தால் பொருத்தமாக இருக்கும் எனத் திட்டமிட்டு வரைந்ததில்தான் அந்த ஆதி ஓவியன் பிரமிக்க வைக்கிறான். அதிலும் குறிப்பாக, மேலுள்ள ஒவியத்தில் ஒரு படி மேலே சென்று, அந்த மிருகத்தின் மிக நுட்பமான உடல் பாவனையை வடிவிலும் வண்ணத்திலும் கொண்டு வருவதில் வெற்றி கண்டுள்ளான் அந்த ஆதி ஒவியன்.

Altamira line

© Ranjit, ink on Paper

அடிக்கடி நான் எனது sketch book- ல் அல்லது ஏதாவது துண்டுக் காகிதத்தில் தீட்டிப் பார்த்துக் கொள்ளும் ஓவியமிது. அப்படிச் செய்யும் போதெல்லாம், நிறைய விஷயங்கள் மனதில் அலைந்து கொண்டிருக்கும். இதை வரைவதில் எனக்கு ஒரு தேவை இருப்பது போல, இதன் original creator – க்கு இதை வரைவதில் என்ன தேவை இருந்திருக்கும்? அவன் வாழ்ந்த சூழலை அவனே அவனுக்காக தீட்டிக் கொண்டானா? அல்லது சடங்கு, பலி போன்ற சமூகத் தேவைகள் இருந்தனவா? தன்னைக் காட்டிலும் தன்னைச் சூழ்ந்துள்ள விலங்குகளுக்கு ஏன் முக்கியத்துவம் தர வேண்டும்? தான் வசிக்கும் இடத்திலுள்ள பொருட்கள் வழியாக, அறையில் மாட்டி வைத்துள்ள படங்களின் வழியாக, வலைத்தளங்கள், சமூக வலைத்தளங்கள் மூலமாக, தன்னை தனது நம்பிக்கைகளை வெளிப்படுத்திக்கொள்ளும் இன்றைய மனிதனின் குணம், அந்த ஆதி மனித குணங்களின் தொடர்ச்சிதானா? இவ்வாறு மனிதன் தன்னை ஏன் வெளிப்படுத்திக்கொள்ள வேண்டும்? இப்படி கேள்விகள் நீண்டு கொண்டே இருக்கும். ஒவ்வொரு முறையும், பதில்கள் மாறிக் கொண்டே இருந்தாலும், இந்தக் கேள்விகள் மட்டும் மாறுவதேயில்லை.

இந்த ஓவியத்திலுள்ள அழிந்து போன இனத்தைச் சேர்ந்த மிருகம், அல்டாமிராவில் மட்டும் இன்றும் உயிருடன் உள்ளது – அந்த ஆதி ஓவியனால்.

 

குகை ஓவியங்கள் பற்றியும், ஸ்பானிய குகை ஓவியங்கள் பற்றியும் அறிந்து கொள்ள உதவும் நூல்கள்:
1. The Mind in the Cave – David Lewis-Williams: Thames & Hudson publication (மனித அறிவையும், குகை ஓவியங்களையும் ஒப்பிட்டு ஆராயும் புத்தகமிது)
2. The Cave of Altamira – Pedro A. Saura Ramos: Harry n. Abrams inc. publication (அல்டாமிராவில் உள்ள அனைத்து வண்ண ஒவியங்களுடன், அல்டாமிராவின் கண்டுபிடிப்பு முதல் அதன் பாதுகாப்புச் சிக்கல்கள் வரை அலசும் விரிவான நூல்)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s